| 今天看到一個Forum的談論後，本人深表同意，大學畢業生係時候要正視和反省一下： 「我曾經發表過以下一段言論: '好多香港人(尤其是年輕人), 思想都好幼稚, 反叛, 好似成個社會欠左佢地乜野咁, 佢地就岩晒, 做乜都好似好應該, 佢地覺得呢個係佢地既自由! 反對佢地=違反人權, 只有認同佢地, 俾佢地為所欲為先可以滿足佢地! 大家仲記唔記得岩岩過去既聖誕節同新年, 市民係幾咁有公德心?! 尖沙咀文化中心, 一夜狂歡後, 被無恥市民破壞成一個廢墟, 隨地垃圾, 樹木被噴滿膠狀物體, 花盆被毀壞, 牆壁被塗污...呢d係乜野野蠻人做架? 就係香港既所謂未來 '棟樑' 做既! 再甚既, 當警察想制止此等野蠻人時, 竟然有野蠻人態度囂張, 掌摑警員, 此等野蠻人係文明既香港應有既產物嗎??' 發表後, 有D人覺得不以為然, 更有D人更加亂扣帽子, 話我以香港年輕人為敵, 將香港年輕人批評到一無是處! 問心箇句, 我都係有感而發, 覺得香港年輕人確實有反省, 改善既地方, 先出來多口勸導. 而我既睇法, 依然未變, 我甚至覺得, 現今香港年輕一代, 低至中小學, 高至大學畢業生等等(大部份人)都眼光短淺, 一味只識同金錢'稱兄道弟', 毫無責任感, 不想付出, 只想獲得! 無數大專生徹底利用政府俾佢地既福利, 揮霍無度, 恨恨地先使未來錢, 自視過高, 自以為畢業後就可以輕易獲得高薪厚職, 結果一個個都欠下政府巨額金錢而久久無力償還! 佢地係用緊我地納稅人既錢, 但就毫無建樹, 根本上就係社會既寄生蟲! 唔可悲嗎? 佢地原本應該係社會棟樑, 對社會作出貢獻, 點解反而做左寄生蟲, 為社會帶來沉重負擔呢? 前日睇報紙, 有間大公司想擴展業務, 想招募一批人材, 於是向大學畢業生招手, 引來幾百個大學畢業生應徵, 經過重重篩選, 最後揀出 17 名 '精英' 作試用, 結果令僱主大失所望! 呢批'精英', 同大量落選既大學生一樣, 大都只向錢看, 試用不久, 就一個個謙人工低, 挑戰大, 充分顯示出其矯生慣養既本性, 最後被炒既炒, 辭職既辭職, 只走淨兩個由外國留學回港既畢業生! 即係話, 'Made in HK' 既畢業生全軍盡墨! 一個都唔用得! 報章引述該公司負責人既說話: '香港學生英語水平低, 對自己毫無要求, 沒有目標, 對時事漠不關心, 對社會亦沒有承擔!'」 http://www.fightclub.com.pk/text/t-30836-p-1.html
|
